5
கால் இடறிய நொடியில்
குனிந்து பார்த்த அற்புதம்
கண்கள் தான் நம்பவில்லை
முந்தைய இரவு பெய்த
விண்மீன் மழைச் சாரலில்
முளைத்தனவோ தெரியவில்லை
இலையில்லா காம்புகளில்
வழியெங்கும் நட்சத்திரப் பூக்கள்
அழகினை விவரிக்க வார்த்தையில்லை
எப்போதும் எதற்கும் நேரமின்றி
நமக்காய் அதிசயங்கள் காலடியில்
பூத்திருப்பதைக் காணாது கடக்கின்றோம்
நின்று இரசித்து மகிழ்ந்திட
இயற்கை இறைஞ்சுகிறது நம்மிடம்
நிதானமாய்க் கொஞ்சம் பொறுமை!
